Гадаад руу зорчих гэж байгаа иргэд нислэгийн хуваариас 2-3 цагийн өмнө ирэхийг агаарын тээврийн МИАТ ТӨХК-иас анхааруулжээ. Мөн нийслэлд ойролцоогоор 2.2 см цас орж, авто замын зорчих хэсэгт халтиргаа гулгаа үүсч байгаа тул түгжрэлийг тооцон анхаарал болгоомжтой зорчихыг зөвлөв.

Өнгөрсөн долоо хоногт /2024.03.27/ Хан-Уул дүүргийн наймдугаар хорооны нутаг дэвсгэр буюу “Чингис хаан” олон улсын нисэх буудал хүртэлх тууш зам руу орох хэсэгт 17 автомашин мөргөлджээ. Ослын улмаас зам хааж, 14 иргэн Гэмтэл согог судлалын үндэсний төвийн Яаралтай тусламжийн тасагт хүргэгдсэн юм.