ХҮН намын Төлөөлөх зөвлөл өчигдөр хуралдлаа. Тус хурлаар ХҮН нам 2024 оны Монгол Улсын их хурлын ээлжит сонгуулийн мөрийн хөтөлбөрөө хэлэлцэн батлав.

ХҮН намын дарга, УИХ-ын гишүүн Т.Доржханд хэлэхдээ "ХҮН нам мөрийн хөтөлбөрөө боловсруулахдаа хот, орон нутгийн иргэдтэй хийсэн уулзалтуудаар иргэдийн саналыг тусгаж, мэргэжлийн холбоод, салбаруудын саналуудыг хүлээн авч тусгасан төдийгүй гадаадад суугаа монголчуудынхаа саналыг тусгасан нь онцлог болсон. Парламентад суудалтай улс төрийн намуудаас ХҮН нам хамгийн түрүүнд сонгуулийн мөрийн хөтөлбөрөө баталж буйг энд онцлох нь зүйтэй" гэлээ.