ЗГХЭГ-ын дарга Д.Амарбаясгалан цас, зудын нөхцөл байдалтай холбоотой асуудлаар мэдээлэл өглөө. Тэрбээр,

"Малын хорогдол өнөөдрийн байдлаар зургаан саяд хүрсэн. Урьдчилсан байдлаар 20 сая толгой мал хорогдоно гэх судалгаа гарсан. Өөрөөр хэлбэл, 20 мянга гаруй малчин малынхаа 70-аас дээш хувийг алдах эрсдэлтэй гэсэн үг. Ийм учраас малчдад урт хугацаатай хүүгүй зээл олгоно. ХНХЯ-ны дэргэдэх Хөдөлмөр эрхлэлтийг дэмжих санд 107 тэрбум төгрөг байгаа. Эндээс малгүй болсон иргэдэд 5-8 сая төгрөгийн хүүгүй урт хугацаатай зээл олгож, дэмжлэг үзүүлнэ" гэсэн юм.