ЗГХЭГ-ын дарга Д.Амарбаясгалан Засгийн газрын хуралдаанаас гарсан зарим шийдвэрийг танилцуулсан юм. Тэрбээр хэлэхдээ,

"Хөдөө орон нутаг очхоор малчдын гар дээрээс үхрийн махыг 7000, хонины махыг 5000, ямааны махыг 3500 төгрөгөөр авч байна. Улаанбаатарт ирэхээрээ 20 мянган төгрөгийн үнэтэй болж байгаа нь зохицуулалт хийх шаардлагатай байгааг харуулж байна. Үүний дагуу мах бэлтгэлийн компаниудтай Засгийн газар болон Хүнс, Хөдөө Аж Ахуй, Хөнгөн Үйлдвэрийн Яамны зүгээс уулзалт зохион байгуулж, нийлүүлэлтийг нэмэгдүүлэх хүрээнд ажиллаж байна" гэлээ.