Өчигдөр /2020.08.26/ Хан-Уул дүүргийн 120 мянгатын уулзвар дээр замын хөдөлгөөн зохицуулж байсан цагдааг мотоциклтой этгээд мөргөөд зугтжээ. Тодруулбал, өглөөний 9 цагийн орчимд цагдаа хурдтай ирж буй мотоциклийг хурдаа сааруулах дохио удаа дараа өгөхөд, биелүүлэлгүй, чигээрээ ирээд мөргөсөн байна. Ослын улмаас цагдаагийн хөл хугарч, одоо эмнэлэгт эмчлүүлж байгаа аж.

Цагдаагийнхан хэргийн газраас зугтсан этгээдийг гражиндаа мотоциклоо нуусан байхад нь шуурхай илрүүлсэн байна.