Боловсролын үнэлгээний төвөөс ЭЕШ-ын талаар мэдээлэл өгч байна. Энэ үеэр БҮТ-ийн захирал Л.Ганбат, "Энэ жил ЕБС-ийн сургуулийн 12 дугаар ангийг 35485 суралцагч сурч төгсөж байна. Үүн дээр өмнөх оны шалгуулагчид нэмэгдэнэ. Өнөөдрөөс ЭЕШ-ийн бүртгэл албан ёсоор эхэлж байна. Ирэх дөрөвдүгээр сарын 26-ны өдөр хүртэл үргэлжилнэ.
Үүнтэй зэрэгцээд Монгол хэл, бичгийн шалгалтын бүртгэл өнөөдрөөс эхэлсэн. Ирэх гуравдугаар сарын 15-нд хүртэл үргэлжилнэ. Босго оноо нь хуучныхтайгаа адил 400. Босго оноондоо хүрч чадаагүй тохиолдолд дотоодын их, дээд сургуульд элсэх боломжгүй" гэлээ.
