Удирдаач Ч.Чинбат Монгол Улсын Ардын жүжигчин боллоо

Ангилал
Нийгэм
Огноо
Унших
2 минут 1 секунд

XVII жарны "Хилэнт эх" хэмээх модон луу жилийг тохиолдуулан Монгол Улсын Ерөнхийлөгч У.Хүрэлсүх өнөөдөр төрийн дээд цол, одон, медаль гардууллаа. Тодруулбал, Монгол Улсын Консерваторийн захирал асан, профессор, Урлагийн гавьяат зүтгэлтэн, удирдаач Чулууны Чинбатад Монгол Улсын Ардын жүжигчин цол хүртээсэн байна.

Ч.Чинбат нь БНМАУ-ын Ардын жүжигчин, хөгжмийн нэрт удирдаач Жамьянгийн Чулууны хүү юм.

Тэрбээр 1958 онд Хөгжим бүжгийн дунд сургуулийн хийлийн ангид элсэн орсон. Харин зургадугаар ангид байхад нь хөгжмийн 10, бүжгийн 10 хүүхдийг сонгож ЗХУ-д сургуульд явуулах болоход тэрээр ан­гиасаа сонгогдсон байна. Ийнхүү 1964 онд тэрээр ЗХУ-ын Ленинградын Хөгжмийн бага сургуулийг зорьжээ.

Гэвч цаг агаар нь таараагүйн улмаас жил болоод буцсан байна. Харин 1968 Ч.Чинбат Армени улсын нийслэл Ереван хотыг зорьж, 9 жил сураад 1977 онд эх орондоо сургуулиа төгсөөд ирсэн байдаг. Түүнийг ирэхэд Хөгжим бүжгийн дунд сургуульд дагалдан багшаар авах тушаал нь хэдийнэ гарчихсан байжээ.

Хичээл заахаас гадна сургуулийнхаа хийлийн чуулгыг удирд­аж, төрийн бүх арга хэмжээнд оролцож, Европын ор­нуудаар мон­гол соёлоо сурталчлах ажлыг хийж байсан аж.

Сануулахад, тэрбээр 1981 онд дэлхийн соёлын өдрүүдэд оролцож, Москвагийн их театрт тоглосон үеэ хамгийн бахархмаар үе байсан хэмээн дурсан ярьж байжээ. Учир нь аавтайгаа, ахтайгаа нэг тайзан дээр тоглосон аж.

Тодруулбал, аавынхаа мөнхийн бүтээл болох “Ардын хоёр дууны найруулга” гэсэн бүтээлийг эгшиглүүлсэн юм байна.

М.Тулгат: Өнөөдрийн НИТХ-д Хүн, АН-ын бүлгүүд оролцохгүй
М.Тулгат: Өнөөдрийн НИТХ-д Хүн, АН-ын бүлгүүд оролцохгүй
 
Х.Нямбаатар: З.Энхболд оо, Ойр орчмыг вирустуулж явахаар шүүх хуралдаа гутлаа тослоод, зангиагаа зүүгээд оч
Х.Нямбаатар: З.Энхболд оо, Ойр орчмыг вирустуулж явахаар шүүх хуралдаа гутлаа тослоод, зангиагаа зүүгээд оч
Сэтгэгдэл (0)
Анхаар!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд хариуцлага хүлээхгүй. !!!