Гадаадын хөрөнгө оруулалтын тухай хуульд нэмэлт өөрчлөлт оруулах хуулийн төслийг УИХ-д өргөн барьсан нь багагүй хэл ам дагуулсан. Өнгөрсөн намрын чуулганаар хэлэлцэх байсан ч УИХ-ын дарга Г.Занданшатар хойшлуулсан юм.

Нийтийн өргөдлийн "D-Parliament" цахим системд иргэн Н.Номун-Эрдэнэ нэгдүгээр сарын 22-нд "Газрыг гадаадын иргэн /60 жилээр ашиглаж, 40 жилээр сунгах/ 100 жилээр ашиглах, эзэмшихийг цуцлах" өргөдлийг санаачилсан байдаг.

Тэгвэл өнөөдрийн /2024.02.04/ 16:15 цагийн байдлаар тухайн өргөдлийг 100.046 иргэн дэмжжээ. Ингэснээр дээрх өргөдлийг УИХ-аар хэлэлцэх боломж бүрдэж буй юм.