Дархан хотын нийтийн тээвэрт ашиглагдаж байсан тээврийн хэрэгслүүдэд парк шинэчлэл шаардлагатай байсан учраас өнгөрсөн оны зургадугаар сараас эхлэн бүрэн зогссон.

Харин есдүгээр сард Монгол Улсын Ерөнхий сайд Л.Оюун-Эрдэнэ Дархан хотод ажиллахдаа орон нутгаас тавьсан саналыг хүлээн авч, нийтийн тээврийн парк шинэчлэлд зориулж цоо шинэ 20 ширхэг цахилгаан автобусыг олгохоор шийдвэрлэсэн юм.

Тэгвэл БНХАУ-д үйлдвэрлэсэн "Skywell" үйлдвэрийн 100 хувь цахилгаан 20 ширхэг шинэ автобусыг Дархан хотод олгожээ. Тун удахгүй хоёрдугаар сарын 1-нээс эхлэн цахилгаан, орчин үеийн автобусаар иргэд зорчиж, Дархан хотын нийтийн тээврийн үйлчилгээ дахин сэргэхээр болсон байна.