"Zarig.mn” сайтын эрхлэгч, сэтгүүлч Н.Өнөрцэцэг шүүхийг үл хүндэтгэсэн, худал мэдээлэл тараасан хэргээр 2023 оны арванхоёрдугаар сарын 4-ний өдөр баривчлагдсан байдаг. Өнгөрсөн хугацаанд түүнийг суллах эсэхийг шийдэх шүүх хурал хэд хэдэн удаа товлогдсон ч тодорхойгүй шалтгаанаар хойшилсон. Улмаар арванхоёрдугаар сарын 29-ны өдөр СХД-ийн эрүүгийн хэргийн анхан шатны шүүхэд түүний цагдан хориог сунгах эсэх шүүх хурал болж, 30 хоног сунгах шүүхийн шийдвэр гарсан.

Тэгвэл өнөөдөр шүүхээс сэтгүүлч Н.Өнөрцэцэгийн цагдан хориог дахин 30 хоног сунгах шийдвэр гаргасан байна.