Хянан шалгах түр хорооноос зарласан нүүрсний хоёр дахь сонсгол Төрийн ордонд эхний өдрөө үргэлжилж байна. Энэ үеэр Гашуунсухайт дахь Гаалийн газрын дарга асан Б.Батгэрэл "Хоосон тээврийн хэрэгслүүд тухайн үед хилээр гардаг байсан. Нүүрс тээврийн компаниуд тээврийн хэрэгслүүдээ Монгол Улсын хилээр оруулж ирж гаалийн бүрдүүлэлт хийж татвараа тушаагаад, дугаар авсныхаа дараа хоосноор нь Хятадын хил рүү нэвтрүүлж бүртгүүлдэг байсан юм" хэмээв.