Нүүрсний сонсголын эхний шатны сонсгол /2023.12.06/ гурав дахь өдрөө Төрийн ордонд үргэлжилж буй.Сонсголоор Эрдэнэс Тавантолгой ХК-ийн оффисын түрээсийн үйл ажиллагаатай холбоотой шинжээчийн дүгнэлттэй танилцлаа.

Энэ үеэр УИХ-ын гишүүн Г.Ганболд "ЭТТ ХК-ийн байр А зэрэглэлийн бүсэд байрладаг. Тэр барилгын ойролцоо байгаа барилгуудын жишиг үнэ ямар байгаа вэ. Өндөр дүнгээр гэрээлээд улсыг хохироосон зүйл байна уу" хэмээн хянан шалгагчаас тодруулахад "2023 оны тендер нь 1 мкв нь 30 мянгаар түрээслэхээр байгаа. Тендерийг зарлахдаа Сүхбаатарын талбайгаас 250 метрт гэж зарлаж байгаа юм билээ" хэмээн хариулсан. Үүнтэй холбогдуулан Г.Ганболд "Сүхбаатарын талбайгаас 250 метрт гэж тендер зарлана гэдэг л өөрөө асуудал. Энэ компани хаана ч байсан яадаг юм. Яармагийн эцэст байсан ч яадаг юм" гэв.