Нүүрсний сонсголын эхний шатны сонсгол /2023.12.06/ гурав дахь өдрөө Төрийн ордонд үргэлжилж байна. Сонсголоор Эрдэнэс Тавантолгой ХК-ийн үүсгэн байгуулагдсанаас хойшхи үйл ажиллагаа, санхүүгийн мэдээллийн талаар сонсож байна. Шинжээч энэ үеэр "ТИ ТИ ЖИ ВИ СИ ӨҮ" ХХК-д тоног төхөөрөмж шилжүүлсэн талаарх баримтуудыг танилцуулсан юм. Тодруулбал, 2013 онд тус компани тендерт шалгарч гэрээ байгуулаад байсан "ТИ ТИ ЖИ ВИ СИ ӨҮ" ХХК-даа 79 тэрбум төгрөгөөр худалдан авсан машин механизм тоног төхөөрөмжөө данс бүртгэлээс хасаж тус компанид ашиглуулахаар шилжүүлсэн байна.