Нүүрсний сонсголын эхний шатны сонсгол /2023.12.04/ Төрийн ордонд үргэлжилж байна. Жижиг "Тавантолгой" компанийн нүүрс олборлолт, экспорттой холбоотой нотлох баримтыг шинжлэн судалж байна.

Сонсголын үеэр Түр хорооны дарга "Сонин юм яриад байх юм. Арав гаруй жилийн материалаа устгачихсан хүмүүс Түр хорооноос баримт нэхээд байх юм. Баримт ирүүлээгүй, устгачихсан. Д.Бат-Эрдэнэ таны ТУЗ-ийн даргаар ажиллаж байх үеийн бүх бичиг баримт байхгүй байна. Тэр бичиг баримтууд яасан бэ" хэмээн тодруулахад Д.Бат-Эрдэнийн зүгээс "Би энэ компанийн архивын эрхлэгч аль эсвэл бичиг цаас хариуцагч нь биш. ТУЗ-ийн хурлын материалууд дотор юу хэлснээ л мэдэж байгаа" гэв.