Цар тахлын үед хичээл цахимаар орох болсонтой холбогдуулан хувийн дунд сургуулиудын төлбөрийн тодорхой хувийг буцаан авах хүсэлтэй эцэг эхчүүд олон байгаа юм. Тэгвэл өнөөдөр Нийслэлийн Засаг Даргын Зөвлөлийн хуралдаан болж, Нийслэлийн Боловсролын Газрын дарга Ж.Гантулга энэ асуудалд хариу өглөө. Тэрээр хэлэхдээ,
Төлбөрийн буцаан олголтын асуудалд Боловсролын яам “9 дүгээр сарын 1-ний өдөр сургууль, ангийн багш, эцэг эхийн байгуулсан гурвалсан гэрээн дээрх давагдашгүй хүчин зүйлтэй холбоотой заалтын дагуу зохицуулагдана гэсэн шийдвэр гаргасан.
Өөрөөр хэлбэл, төлбөрийн асуудлыг эцэг эхчүүд тухайн гэрээ байгуулсан сургуулийн удирдлагатай дахин хэлэлцэх хэрэгтэй гэсэн юм.
Энэ хичээлийн жилийн байдлаар манай улсад 124 төрийн бус өмчийн сургууль үйл ажиллаагаа явуулж байна. Уг сургуулиудын төлбөр 2 сая 500 мянган төгрөгөөс 27,990 ам долларын хооронд хэлбэлзэж байгаа юм.
Л.Дэлгэрмаа