БНСУ ирэх 2024 онд гаднаас 165 мянган мэргэжлийн бус ажиллах хүч авахаар төлөвлөж буйгаа мэдэгджээ. Хөдөлмөр эрхлэлтийн зөвшөөрлийн тогтолцооны хүрээнд олон салбарыг хамарсан ажиллах хүчний хомсдолыг арилгахын тулд ирэх онд өмнө нь байгаагүй олон тооны ажилтан гаднаас авна гэж тус улсын Хөдөлмөрийн яам мэдэгдсэн байна.

Манай улсын 36467 иргэн 2004-2018 онд БНСУ-д Е9 буюу хөдөлмөрийн визээр ажиллаж байсан бол өнөөдрийн байдлаар 4444 иргэн аж үйлдвэрийн салбарт ажиллаж байна. Хөдөлмөрийн гэрээгээр ажиллуулах иргэдийн квотыг нэмснээр өнгөрсөн онд 2400 гаруй хүн БНСУ-ыг зорьжээ.