Байнгын хорооны хуралдааны үеэр УИХ-ын гишүүн Ж.Сүхбаатар дараах байр суурийг илэрхийллээ. Тэрбээр "Яриад л байна. Юм хийгээч гэдэг. Гэхдээ ярилцаж, зөвлөлдөхгүйгээр асуудлыг шийдвэрлэнэ гэж байхгүй. Уг үндсээр нь шийднэ гэвэл бэлтгэл, судалгаа, төлөвлөлт, гүйцэтгэлд хугацаа ордог. Гол нь ойлголцол байгаа юм. Сонсголыг явуулахдаа хэдэн гишүүд аль эсвэл мэргэжлийн хүмүүс юм хэлээд зогсохгүйгээр олон нийтийн оролцоог хангах нь зөв байх. Иргэдийн бухимдал шүүмжлэлийн цаана "ажил явахгүй байна" гэсэн санаа байна. УИХ дээр хүүхдийн эрхийн асуудлаар нээлттэй сонсгол явагдана. Хяналтын сонсголын гол зорилго нь энэ чиглэлд хууль эрх зүйн орчин нь ямар байгаа юм бэ, бодит ажлууд, ойлголт нэгдмэл байна уу гэдгийг харах хэрэгтэй. Бидний нэгдэж байгаа асуудлыг тодорхой болгомоор юм билээ" гэв.
