УИХ-ын чуулганы нэгдсэн хуралдаан үргэлжилж байна. Энэ үеэр УИХ-ын гишүүн Ц.Даваасүрэн дараах байр суурийг илэрхийллээ.

Тэрбээр, "Сүүлийн үед хүний эрх зөрчигдөж байгаа асуудал их яригдах боллоо. Ялангуяа баривчилгаан дээр. Иргэд надад нэг зүйлийг ярьж байна. Гэрт нь нэгжлэг хийлээ гээд л мэдээлэл явдаг. Ингэхдээ хүний эрх зөрчдөг юм шиг байна. Хүүхдэд маш том стресс өгдөг. Хүүхэд үүнээс болж сэтгэцийн эмгэгтэй болж, шөнө орилж сэрдэг болчихсон. Ийм зэрлэг, балмад, бүдүүлэг байж болохгүй.

Аав ээжийн хийсэн гэмт хэрэг нялх хүүхэд ямар ч хамаа байхгүй. Үүнд анхаармаар байна" гэв.