Сонгинохайрхан дүүргийн 26 дугаар хороо, Мандал-Овоогийн гудамжинд байшин шатаж, 30 настай эрэгтэй амь насаа алджээ.
Тодруулбал, Энэ тухай дуудлага мэдээлэл өчигдөр /2023.10.16/ өдрийн 07:04 цаг ОБГ-т ирсэн бөгөөд тус дүүргийн Онцгой байдлын хэлтсийн Гал түймэр унтраах, аврах 26 дугаар ангийн алба хаагчид 6 км замыг туулан 07:15 цагт очиход тус тоотод иргэн О-ын 4х6 метрийн хэмжээтэй байшингийн дотор талын хана таазны хэсэг, эд зүйл шатаж байсныг 20 минут ажиллан унтраасан бол уг гал түймэрт иргэн О /30 настай, эрэгтэй/ өртөж нас барсан байжээ. Иймд цогцсыг тус дүүргийн Цагдаагийн 1 дүгээр хэлтэст шилжүүлэн өгсөн байна.
