ХНХЯ, ГБХЗХГ, ЦЕГ хамтран бага насны хүүхэд алга болсон асуудлаар мэдээлэл хийлээ. Энэ үеэр ХНХ-ийн сайд Х.Булгантуяа он гарснаас хойших хүүхдийн эсрэг гэмт хэргийн тоон мэдээллийг өглөө. Тодруулбал,

"Он гарснаас хойш хүүхэд оролцсон гэмт хэргийн тоо 765, хохирсон хүүхдийн тоо 1400 орчим, бэлгийн хүчирхийлэлт өртсөн хүүхдийн тоо 251, гэмт хэргийн улмаас болон зам тээврийн ослын улмаас 37 орчим хүүхэд амь насаа алдсан гэх тоон мэдээлэл байна.

Тиймээс хүүхдийн асуудалтай холбогдуулан энэ намрын чуулган дээр хэд хэдэн хууль тогтоомжийг сайжруулахаар болсон. Мөн "Гэр бүлийн тухай хууль"-ийг ХЗДХЯ боловсруулж байгаа. Энэ хууль нь гэр бүлийн гишүүн бүрийн эрх ашгийг хамгаалах хууль юм" гэлээ.