Киоск машин дээр авто тээврийн хэрэгслийн нэр шилжүүлэх үйлчилгээ нэвтрүүлсэн талаар ЦХХХ-ны сайд Н.Учрал мэдээлэл хийлээ. Киоск машин дээр авто тээврийн хэрэгслийн нэр шилжүүлэх үйлчилгээг эхний ээлжид 10 байршилд нэвтрүүлсэн бөгөөд хоёр иргэн хамт очоод төрийн алба хаагчийн оролцоогүйгээр өөрсдөө нэрээ шилжүүлэх боломжтой болж буйг салбарын сайд онцоллоо. Тодруулбал, тэрбээр "Төрийн үйлчилгээний хурдан цэг улсын хэмжээнд 125 бий. Тус цэгийн цэгийн оператор дээр очоод тээврийн хэрэгслийн гэрчилгээг шууд шилжүүлж болно. Нотариатын гэрээний тухайд, и-монголиа дээр байршсан байгаа. Тиймээс и-монголиагаар дамжуулан нотариатын гэрээгээ татаж аваад, тээврийн хэрэгслийн нэрээ шилжүүлнэ" гэлээ.