Стандарт хэмжилзүйн газраас өнөөдөр /2023.09.14/ үнэт металлыг хайлж гулдмайлж сорьц тогтоох, эрдэнийн чулуу тодорхойлох ажил болон бусад асуудлаар мэдээлэл өглөө. Энэ үеэр,
Стандарт хэмжийлзүйн газрын Сорьцын хяналтын газраас, "Монгол Улсын нутаг дэвсгэрт үнэт металлын сорьц тогтоох, эрдэнийн чулуу тодорхойлох, тэдгээрийн үйлдвэрлэл үйлчилгээнд сорьцын хяналт тавих, иргэн, хуулийн этгээдийн олборлосон үнэт металлийг хайлж гулдмайлдаг төрийн байгууллага нь манай байгууллага юм.
Монгол Улс 1990 оноос өмнө жилд нийт 700 кг алт олборлодог байсан бол өнөөдрийн байдлаар 110 ААН жилдээ 14-16 тонн алт олборлож байна. Гоёл чимэглэлийн үйлдвэрлэл эрхэлж буй 130 орчим иргэн, ААН байна. Жилд 100-120 мянган бүтээгдэхүүн үйлдвэрлэж, нийлүүлж байна.
2023 оны есдүгээр сард улсын хэмжээнд 9458 кг алтыг сорьц тогтоох шинжилгээнд хамруулсан" гэв.
