Засгийн газрын ээлжит хуралдаан үргэлжилж байна. Хуралдаанаас гарсан шийдвэрийг танилцуулж байна. Энэ үеэр ЦХХХ-ны сайд Н.Учрал "Ерөнхий сайдын албан тоот даалгаврын дагуу Засгийн газрын хуралдаанд Шил ажиллагааны хэрэгжилтийн талаар барилга байгууламжийг ашиглалтад оруулах улсын комиссийн дүгнэлтүүд, барилга түүний эзэмшигчдийн мэдээллийг shilengov.mn нээлттэй сайтад байршуулсан талаар мэдээллийг хийлээ. БХБЯ-наас 2008-2023 оныг хамарсан Улсын комиссийн 8400 дүгнэлт ирүүлснийг өнөөдрөөс нээлттэй байршуулж байна. Мөн 2004-2023 оны хооронд архитектур төлөвлөлтөд орсон 11668 барилга, 3941 эзэмшигчийн мэдээллийг ил болгож байна" гэлээ.