Монгол Улсын Морин хуурын чуулга Австралийн Холбооны Улсын Сиднейн Дуурийн театрт 2023 оны есдүгээр сарын 14-ний өдрийн 19.00 цагаас “Монголын сайхан орон” бүрэн хэмжээний тоглолтоо толилуулна.
Морин хуурын чуулгын авьяаслаг хамт олон 31 жилийн хугацаанд дэлхийн 30-аад улсад 650 гаруй тоглолт хийсэн бөгөөд Сиднейн Дуурийн театрт анх удаагаа тоглолтоо толилуулах гэж буйгаараа онцлог юм.
"Тоглолт болон тасалбарын талаарх дэлгэрэнгүй мэдээллийг Сиднейн дуурийн театрын https://www.sydneyoperahouse.com/.../morin-khuur-ensemble... цахим хуудаснаас авах боломжтой" гэж Монгол Улсаас Австралийн Холбооны Улсад суугаа ЭСЯ-аас мэдээллээ.
