Дэлхийн алдартай контент бүтээгч Nas Daily-ийн үүсгэн байгуулагч Nuseir Yassin өнөөдөр Монголд хүрэлцэн ирсэн билээ. Цахим орчинд 70 гаруй сая дагагчтай Nas Daily Монгол Улсын талаарх цуврал контентоо Д.Сүхбаатарын талбайгаас өнөөдөр эхлүүлэх гэж байгаа аж. Үүнтэй холбоотойгоор дэлхийн улс хотуудад очиж хийдэг энэхүү уламжлал болсон бичлэгт залуус та бүхнийгээ идэвхтэй хамрагдахыг Соёлын яамнаас уриаллаа. Ингэхдээ төрийн далбаа болон камераа авч ирэн олон улсад Монголоо сурталчилах чухал агуулгын нэг хэсэг болоорой хэмээжээ.