Энэ мэдээ хуучирсан буюу 2023/08/09-нд нийтлэгдсэн мэдээ болно.

УЕПГ: Зөрчлийн хэрэг долоодугаар сард буурчээ

Ангилал
 Хууль эрх зүй
Огноо
Унших
1 минут 30 секунд

Улсын хэмжээнд 2023 оны 7 дугаар сарын байдлаар 201.235 зөрчлийн хэрэг бүртгэгдсэн нь 6 дугаар сартай харьцуулахад 24.7 хувиар буурсан байна.

Нийт зөрчлийн хэргийн 63.5 хувь нь Нийслэлд, 36.5 хувь нь орон нутагт бүртгэгдсэн бол 95.2 хувийг Цагдаагийн байгууллага, 4.8 хувийг бусад байгууллагын эрх бүхий албан тушаалтнууд шалгаж, шийдвэрлэжээ.

Дээрх хугацаанд 191.638 хүн, 494 хуулийн этгээд Зөрчлийн тухай хуульд зааснаар шийтгүүлсэн ба өмнөх сараас шийтгэл оногдуулсан хүн 22.5 хувиар, хуулийн этгээд 27.1 хувиар буурсан байна.

Зөрчил үйлдсэн хүмүүсийн 79.8 хувь нь эрэгтэй, 20.2 хувь нь эмэгтэйчүүд байгаа бол дийлэнх буюу 64.8 хувь нь 26-45 насныхан байна.

Өнгөрсөн долоодугаар сард үйлдэгдсэн зөрчлийг зургаадугаар сартай харьцуулахад Нийгмийн даатгалын тухай хууль зөрчих зөрчил 63.1 хувиар, Гэр бүлийн хүчирхийлэлтэй тэмцэх тухай хууль зөрчих 53.8 хувиар, Хүүхдийн эрхийг зөрчих зөрчил 43.2 хувиар, Замын хөдөлгөөний аюулгүй байдлын тухай хууль зөрчих зөрчил 23.4 хувиар, Татварын хууль зөрчих зөрчил 12 хувиар, Гаалийн тухай хууль зөрчих зөрчил 8 хувиар тус тус буурчээ.

Төв аймгийн Эрдэнэсант суманд орсон түр зуурын аадар борооны улмаас 156 толгой мал хорогджээ
Төв аймгийн Эрдэнэсант суманд орсон түр зуурын аадар борооны улмаас 156 толгой мал хорогджээ
 
ТАНИЛЦ: Нийтийн тээврийн үйлчилгээнд дараах есөн шинэ чиглэлийг нэмлээ
ТАНИЛЦ: Нийтийн тээврийн үйлчилгээнд дараах есөн шинэ чиглэлийг нэмлээ
АНХААРУУЛГА: Уншигчдын бичсэн сэтгэгдэлд UBN.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй. !
UBN.mn сайтын редакц