\
Увс аймагт 3 хүүхэд аянганд цохиулж, 11, 12 настай хоёр хүүхэд нь амиа алдсан байна. Тодруулбал, Увс аймгийн Тариалан сумын Хөхөө багийн “Бага-Улиас” гэдэг газар өчигдөр буюу энэ сарын 05-ны өдрийн 22:00 цагийн орчим бага зэргийн бороо орсны улмаас 3 хүүхэд аянганд цохиулсан тухай мэдээллэл аймгийн онцгой байдлын газарт иржээ.
Сумын Засаг даргын Тамгын газрын даргаар ахлуулсан ажилтнуудыг 23:00 цагт очиход гэрийнхээ гадаа байсан 14 настай, эрэгтэй Э түлэгдсэн байдалтай ухаантай. 12 настай, эмэгтэй Э, 11 настай, эмэгтэй М нар нас барсан байсан аж.
Э-д эмнэлгийн анхны тусламж үзүүлж аймгийн Нэгдсэн эмнэлэг рүү тээвэрлэж хүргэсэн байна.
