Үндэсний их баяр наадмын бөхийн барилдаанд Архангай аймгийн Цэнхэр сумын харьяат М.Бадарч түрүүлж арслан цол хүртсэн. Тэрбээр цолны мялаалгаа ирэх долоо хоногийн баасан гарагт буюу энэ сарын 11-нд хийхээр болжээ. Цолны мялаалга Архангай аймгийн Цэнхэр суманд болно.

Энэ үеэр хурдан морьдын уралдаан, хүчит 128 бөхийн барилдаан, өсвөрийн 32 бөхийн барилдаан болох аж.

Тэрбээр өнгөрсөн өдрүүдэд Архангай аймгийн 100 жилийн наадамд оролцож, Говь-Алтай аймгийн наадамд зодоглосон билээ.