Голын гольдролыг өөрчилж барьсан барилгуудыг буулгах саналыг Ерөнхий сайд болон Хотын дарга нарын зүгээс илэрхийлээд байгаа. Мөн барилга байгууламжийн инженерүүдийн зүгээс Aqua garden, S outlet 2 байршлыг нэн яаралтай буулгах ажлыг зохион байгуулахыг зөвлөсөн байдаг.
Гэвч "Авлига хороолол" хэмээн нэрлэгдээд буй Aqua garden барилгын ажил одоо ч үргэлжилж, гаднах фасадны хэсгийн ажил нь явагдаж байна.
Сануулахад, Барилгын тухай хуулиараа 16-аас дээш давхартай барилгын эхлүүлэх болон үргэлжлүүлэх, зогсоох шийдвэр олгосон байгууллагаас гардаг. Тодруулбал, тус зөвшөөрлийг БХБЯ олгодог юм байна.
Тиймдээ ч Нийслэлийн удирдлагуудын зүгээс Aqua garden барилгын ажлыг зогсоох албан бичгийг БХБЯ-нд хүргүүлсэн аж. Гэтэл өнөөдрийг хүртэл тус яамнаас, БХБ-ын сайд Ц.Даваасүрэн тус барилгын ажлыг зогсоох ямар нэгэн шийдвэр гаргаагүй байна.
