Нийслэлийн нутаг дэвсгэр дэх авто зогсоолын сэлгэлт, зохион байгуулалтыг сайжруулах зорилгоор Улаанбаатар хотын хөгжлийн корпораци ХК болон “Шилдэг зам” ХХК Улаанбаатар хотын авто зогсоолын менежментийг сайжруулах төсөл хэрэгжүүлэх гэрээг байгууллаа.
Тодруулбал, Баянгол дүүргийн 14, 15, 18, 19 дүгээр хороо, 3, 4 дүгээр хороолол, “Ард Аюуш”-ийн өргөн чөлөө, Эх, хүүхдийн эрүүл мэндийн Үндэсний төвийн уулзвараас “Өргөө” кинотеатрын уулзвар хүртэл худалдааны төв орчмын замын урд хойд талд 433 авто зогсоол байгуулах юм.
Мөн Сүхбаатар дүүрэг 4 дүгээр хороо, 1 дүгээр сургуулийн уулзвараас Их тойруугийн уулзвар хүртэл, Сөүлийн гудамжны замын урд, хойд талд 145 зогсоолыг замын хажуугийн хяналтын систем бүхий төлбөртэй ухаалаг авто зогсоол болгон шинэ технологи нэвтрүүлэхээр боллоо.
