УИХ-ын чуулганы Баасан гарагийн хуралдаан үргэлжилж байна. Өнөөдрийн хуралдаанаар 1955 оны Монгол Хятадын хилийн төмөр замын хэлэлцээр болон Гашуунсухайт Ганцмод хил дамнасан төмөр замын бүтээн байгуулалтын ажилтай холбоотой авах арга хэмжээний талаар тогтоолын төслийг эцсийн хэлэлцүүлгийг хийсэн юм. Энэ үеэр УИХ-ын гишүүн Д.Ганбат "Гашуунсухайт боомтыг БНХАУ-тай холбох төмөр замын холболтыг яагаад өнөөдрийг хүртэл удаашруулсан юм бэ" хэмээн тодруулахад ХЗДХ-ийн сайд Х.Нямбаатар "Та буруутныг ойрхноос хайх хэрэгтэй. Х.Баттулгыг "Төмөр зам барьвал танк орж ирж Хятадаад биднийг эзэлнэ" гэх пропаганда хийхэд та ард нь алга ташаад явж байсан хүн. Энэ супер циклийг тэр үед алдсан. Юм хийх гэж байгаа хүмүүст хөгийн чөдөр тушаа болдогоо боль" гэв.