УИХ дахь Ардчилсан намын бүлэг цаг үеийн асуудлаар мэдээлэл хийлээ. 

Энэ үеэр Ардчилсан намын дарга асан С.Эрдэнэ "Найм дахь удаагийн сонгуулиар сонгогдсон парламент бүрэн эрхээ хэрэгжүүлж байна. Гэвч энэ сонгуулийн будлиан дуусаагүй байна. Ардчилсан нам бусад намуудтай хамтран дээрх асуудлыг шалгуулахаар ажиллаж байна. Ардчилсан нам Үндсэн дүрмийнхээ хүрээнд намын их хурлыг хуралдуулах ёстой.

Мөн Ардчилсан намын Үндсэн дүрмийн албан ёсны тогтоол гарсан. Үүнтэй холбоотойгоор дараагийн нөхцөл байдал бол шинэ намын даргыг сонгох, шинэ намын даргын дотоод сунгааг явуулах ёстой. Ардчилсан намын даргад нэр дэвшигчдийн бүртгэл өнөөдөр эхэлнэ. Бүртгэл долдугаар сарын 9-ныг хүртэл үргэлжилнэ" гэв. 

Ардчилсан намын аравдугаар Их хурал наймдугаар сарын 23-нд болно. Тус хурлаар гишүүдийн саналаар сонгогдсон намын даргыг албан ёсоор батламжлах аж.