Нийслэлийн иргэдийн эрүүл, аюулгүй орчинд амьдрах эрхийг хангах ажлын хүрээнд зөвшөөрөлгүй гарааш, хайс, хашааг буулгаж, орц, гарцыг нэмэгдүүлэх ажил өрнөж буй.
Тэгвэл Чингэлтэй дүүргийн 23 дугаар сургуулийн зүүн талын замыг нэг урсгалтай болгож, долоон автомашины зогсоолыг чөлөөлөн, 2-7 метрийн өргөнтэй явган хүний зам хийж тохижуулсан байна. Мөн явган хүний замын голд байсан гэрэлтүүлгийн шонг зөөвөрлөн, явган хүн саадгүй зорчих нөхцөлийг бүрдүүлжээ.
