УИХ дахь намын бүлгүүд даваа гараг бүр хуралддаг. Энэ дагуу өнөөдөр намын бүлгүүд хуралдаж, МАН-ын бүлэг хурлаас гаргасан шийдвэрийнхээ талаар мэдээлэл хийлээ.
МАН-ын бүлгийн дарга Д.Тогтохсүрэн "Төсвийн тодотгол, Сонгуулийн хуулийн нэмэлт өөрчлөлттэй холбоотой асуудлыг хэлэлцлээ. Засгийн газраас УИХ-д төсвийн тодотголыг өнгөрсөн долоо хоногт өргөн барьсан. УИХ хэлэлцэх эсэхийг шийдсэн. Төсвийг энэ долоо хоногт хэлэлцэж дуусгана.
Мөн Сонгуулийн тухай хуульд нэмэлт өөрчлөлт оруулах хуулийн төслийн анхны хэлэлцүүлэг хийгдсэн. Энэ хэлэлцүүлэг хийгдэх үед нэг хүйсийн байх доод хэмжээ 40-өөс доошгүй байна гэдэг санал дэмжигдсэн. Үүнтэй холбоотой асуудлыг бүлгийн хурлаар хэлэлцээд, жендерийн квотыг 30-аас доошгүй байх нь зүйтэй гэсэн саналыг бүлгээс дэмжиж шийдвэрлэсэн" гэлээ.
Д.Тогтохсүрэн: МАН-ын бүлэг эмэгтэйчүүдийн квотыг буцаагаад 30 хувь болгох нь зүйтэй гэж үзлээ ‼️‼️@Zandanshatar @dorjkhand_t @Sukhbaatar_J@KhBulgan @OdontuyaS @UndramChinbat@d_unurbolor @BayaraaMongol @M_Oyunchimeg@ariunzaya_a @AmaraaDshzvg @OyunerdeneMN@NarantuyaZ… pic.twitter.com/Znxe3PyXHE
— UBn.mn ЮУ БАЙНА (@UBn_mn) June 12, 2023
