Аймгуудын үйл ажиллагааны үр дүнгийн үнэлгээгээр сүүл мушгисан гурван аймаг болох Архангай, Хөвсгөл, Завхан аймгийн засаг дарга нарыг Ерөнхий сайд захирамж гарган чөлөөлсөн билээ.

Тодруулбал, хамгийн сүүлд буюу өнгөрөгч тавдугаар сарын 17-ны өдөр Завхан аймгийн засан дарга Д.Түвшинжаргалыг чөлөөлсөн бөгөөд дараагийн засаг даргын томилгоог хийгээгүй байгаа юм. Тэгвэл өнөөдөр Завхан аймгийн ИТХ-ын МАН-ын бүлгээс Завхан аймгийн Засаг даргад нэр дэвшүүлсэн Г.Өнөрбаярыг нийт төлөөлөгчдийн 57.5 хувийн саналаар дэмжиж Монгол Улсын Ерөнхий сайдад уламжлахаар болжээ. Түүний хувьд ХНХЯ-ны ТНБД-аар 2016 оноос хойш тасралтгүй ажилласан байдаг.