Үндсэн хуулийн өөрчлөлт, Эх үрсийн баяр зэрэг шуугиан дор Засгийн газраас зарласан Шилэн ажиллагааны хүрээнд дахин хоёр сангийн зарцуулалтын мэдээлэл нээлттэй байршив. Тодруулбал, Эрүүл мэндийг дэмжих сан болон мэргэжил боловсрол сургалтыг дэмжих сангийн мэдээлэл ил болсон юм. Тэгвэл нээлттэй мэдээллээс харахад, 2022 онд Монголын эмэгтэйчүүдийн холбоо ТББ нь Хавдаргүй Монгол эмэгтэй төслийг хэрэгжүүлжээ. Тус төслийн хүрээнд Эрүүл мэндийг дэмжих сангаас 66,5 сая төгрөгийн санхүүжилт авчээ.