Гайана улсын сургуулийн дотуур байранд гал гарч, түймрийн улмаас 19 хүүхэд нас баржээ. Тодруулбал, Махдиагийн дунд сургуулийн дотуур байранд гарсан галын улмаас 18 охин, нэг хүү амиа алдсан гэж тус улсын Олон нийтийн мэдээллийн хэлтэст мэдээлсэн байна. Цагдаа болон гал унтраах албаныхан галыг “санаатай” үйлдэгдсэн гэж мэдэгдсэн аж.

Харин гэмтэж бэртсэн хүүхдүүдийн талаар мэдээлээгүй ч “Гэмтсэн зургаан хүүхдийг Жорж таун руу аваачсан бол 17 нь Махдиа эмнэлэгт байгаа” гэжээ.