Улс төрчдийн хамаарал бүхий этгээдүүд Боловсролын зээлийн сангаас зээл авч гадаадын их, дээд сургуульд суралцсан талаарх мэдээлэл нийтэд ил болсноор олон нийтээс ихээхэн шүүмжлэлийг хүртэж буй. Тухайлбал, Эгийн голын усан цахилгаан станцын төслийн нэгжийн захирал асан Д.Одхүү нь АНУ-ын Доминикан кол их сургуульд суралцахаар БЗС-гаас 14,850 ам.долларын зээл авчээ. Зээлийн хэмжээг одоогийн ханшаар тооцож үзвэл тэрбээр 51 сая төгрөгтэй дүйцэх мөнгөн дүнгийн зээл авч суралцсан гэсэн үг юм.