Улс төрчдийн хамаарал бүхий этгээдүүд Боловсролын зээлийн сангаас зээл авч гадаадын их, дээд сургуульд суралцсан талаарх мэдээлэл нийтэд ил болсноор олон нийтээс ихээхэн шүүмжлэлийг хүртэж буй. Тухайлбал, Хууль зүйн сайд асан Хишигдэмбэрэлийн дүү 2014 онд АНУ-ын Виржиниагийн олон улсын их сургуульд суралцахаар БЗС-гаас 48 мянган ам.долларын зээл авч байжээ. Энэ нь одоогийн ханшаар 166 сая 32 мянган төгрөгтэй дүйцэх мөнгөн дүнгийн зээл авч суралцсан гэсэн үг юм.