Улс төрчдийн хамаарал бүхий этгээдүүд Боловсролын зээлийн сангаас зээл авч гадаадын их, дээд сургуульд суралцсан талаарх мэдээлэл нийтэд ил болсноор олон нийтээс ихээхэн шүүмжлэлийг хүртэж буй. Тухайлбал, УИХ-ын гишүүн асан Агваанлувсангийн Ундраа 1999 онд АНУ-ын Хойд Каролайнагийн их сургуульд суралцахаар БЗС-аас 32 мянган ам.долларын зээл авчээ. Энэ нь одоогийн ханшаар 110 сая төгрөгтэй дүйцэх мөнгөн дүнгийн зээл авч суралцсан гэсэн үг юм.