"Aero Mongolia" компанийн Улаанбаатар-Нарита чиглэлийн өчигдрийн нислэг зорчигчдодоо ямар ч мэдээлэл өгөхгүйгээр гэнэт цуцалсан талаар нэгэн гаднын иргэн өөрийн твиттер хуудастаа байршуулсан.
Өчигдрийн УБ-Нарита чиглэлийн Аэромонголиа нислэг ямар ч мэдээлэл өгөлгүй гэнэт цуцлагдсан, энэ талаар мэдэж байгаа хүн ч алга, ашгүй Инчеоноор дайрч харих нь гэсэн Япон залуугийн твийтүүд трэнд болж. Ингэж л баг алж байнашд тал засаад гүйгээд байгаа улс нь. Ичиж үхмээр юм. https://t.co/xoAkNxIQRQ
— Anu (@AnuDashdorj) May 7, 2023
Тэгвэл уг асуудлаар "Aero Mongolia" компаниас мэдээлэл өгчээ. Мэдээлэлд "Аэро Монголиа ХХК-ийн Airbus A319 агаарын хөлөг 2023 оны 5 дугаар сарын 3-ны өдрөөс 5 дугаар сарын 12-ны өдрийн хооронд C хэлбэрийн агаарын хөлгийн үйлчилгээнд орж зарим олон улсын чиглэлийн нислэгүүд цуцлагдаж байгаад зорчигч та бүхнээсээ уучлал хүсч байна.
Бид бүхэн цуцлагдсан нислэгүүдэд тийз худалдан авсан зорчигч нарыг бусад агаарын тээврийн компанийн нислэгт шилжүүлэх арга хэмжээг зохион байгуулж байна.
Зөвхөн 5 дугаар сарын 5, 7, 9, 12-ны өдрүүдийн Улаанбаатар-Нарита-Улаанбаатар чиглэлийн нислэг цуцлагдсан. Тус нислэгт тийз худалдан авсан зорчигч нарыг бусад агаарын тээврийн компанийн нислэгт урьдчилан шилжүүлсэн бөгөөд манай компанитай холбогдож чадаагүй зорчигч нар [email protected] хаяг руу хандана уу" гэжээ.
