УИХ-ын гишүүн асан, “Ард түмнээ хайрлая” намын дарга Л.Гүндалай 2020 оны ээлжит сонгуульд нэр дэвшиж байгаа хэдий ч гэр бүлийн хамт Тайланд улсад 4 сар гаруй гацаад байсан билээ.

Тэгвэл тэрээр саяхан Монголдоо ирж, 21 хоногийн тусгаарлалтад орсныхоо дараахан "Хогийн 21 хоног хурдан дуусаасай" гэх агуулга бүхий лайв бичлэг хийн, хундага тогтоож байв.

Л.Гүндалай гадаадаас нэр дэвшсэн цөөн нэр дэвшигчдийн нэг бөгөөд алсын зайнаас сурталчилгаагаа хийсэн ч Ардчилсан намын нэр дэвшигчдээс илүүрхжээ. "Ард Түмнээ Хайрлая" намаас нэр дэвшсэн цор ганц нэр дэвшигч Л.Гүндалай энэ удаагийн сонгуульд 18,542 санал авч, гурван мандаттай тойрогт дөрвөөр мултрав.

Түүний дараагаар Ардчилсан намаас нэр дэвшсэн Ч.Батцогт, Б.Баярмаа, Д.Ганболд нар удаалсан байна.