Монгол Улсын Харилцаа холбооны зохицуулах хорооноос вэб сайт болон цахим орчны үйлчилгээ эрхлэгч нар мэдэгдэл хүргүүллээ.

Мэдэгдэлд, УИХ-ын ээлжит сонгуульд оролцогч нам, эвсэл, бие даан нэр дэвшигчдийн сурталчилгаа Монгол Улсын Их Хурлын сонгуулийн тухай хуулийн 39.1-д зааснаар санал авах өдрөөс 24 цагийн өмнө буюу санал авах өдрийн өмнөх өдрийн 00:00 цагаас (өнөөдөр 6 дугаар сарын 22-ны 23:59:59) өмнө зогсоно. Иймд вэб сайт болон цахим орчны үйлчилгээ эрхлэгч нарыг хуульд заасан үүргээ хэрэгжүүлж, сонгуулийн сурталчилгааны талаарх аливаа мэдээлэл нийтлэхгүй байх, сурталчилгааны хугацаанд нийтэлсэн нам, эвсэл, нэр дэвшигчдийн сонгуулийн сурталчилгааг устгах эсхүл хязгаарлах арга хэмжээ авч ажиллахыг дурьдсан байна.