Хүүхдэд заавал хийх дархлаажуулалт буюу товлолт дархлаажуулалтад хамрагдаагүй, хоцорсон тохиолдолд өөрт ойр Өрхийн эрүүл мэндийн төвд хандан "НӨХӨН ДАРХЛААЖУУЛАЛТ"-д хамрагдах боломжтой.

Энэ талаар СХД-ийн ЭМТ-өөс дараах мэдээллийг өглөө. Тодруулбал,

"Заавал хийх дархлаажуулалтын анхны болон давтан тунгаас хоцорсон хүнд дархлаажуулах бэлдмэл хэрэглэхийг "Нөхөн дархлаажуулалт" гэж нэрлэнэ. Мөн Дархлаажуулалтын тухай хуульд, Сэргийлэх тарилгыг хийлгэхдээ төрийн болон холимог, хувийн өмчлөлийн аль ч хэлбэрийн эрүүл мэндийн байгууллагыг сонгох мөн сэргийлэх тарилгын үндэсний товлолд орсон болон тархвар судлалын заалтаар хийх сэргийлэх тарилгыг үнэ төлбөргүй хийлгэнэ" хэмээн хуульчилсан байдаг гэх мэдээллийг өгсөн юм.