Монгол цэргүүд зургадугаар сарын 24-ны өдөр болох Ялалтын баярын парадад оролцохоор Москва хотноо очжээ.

Москва хотын Улаан талбайд уламжлалт ёсоор тавдугаар сарын 09-нд зохиогддог Ялалтын баярын жагсаалыг  коронавирус цар тахал гарсантай холбоотойгоор хойшлуулаад байсан.

Харин уг баярын жагсаалыг зургадугаар сарын 24-ны өдөр зохион байгуулахтай холбоотойгоор тус жагсаалд оролцохоор Монгол Улсын Зэвсэгт хүчний 75 цэрэг ОХУ-ын нийслэлд очоод байна.

Ялалтын баярын жагсаалд оролцох ажилтнууд хэдийнээ бэлтгэл ажлаа хангасан бөгөөд зохих ёсны эмнэлгийн үзлэгт хамрагдсан гэнэ. Цэргийн албан хаагчид одоо хамтарсан сургуулилт, бэлтгэл хийх ажилдаа орсон байна. Энэхүү жагсаалд Монголын 75 цэрэг, дайчид нэг багана хэлбэрээр оролцох аж. 

Н.Золзаяа