Ч.Ганхуяг энэ сарын 9-ны өдөр фэйсбүүк хуудсаараа дамжуулан Хан-Уул дүүрэгт МАН-аас нэр дэвшиж буй Г.Амартүвшингийн талаар мэдээлэл хийсэн билээ. 

Тэрбээр “Хан-Уул дүүрэгт нэр дэвшиж буй Г.Амартүвшин бид хоёр найзууд байсан. Би түүнийг Нидерланд Улсын иргэн гэж ойлгож явсан. Би хувьдаа давхар иргэншилтэй байхыг хүлээн зөвшөөрдөг. Энэ бол тэр хүний сонголт. Гадаад сурч буй Монгол иргэдийг хүний нутагт авчирсан хүн нь би өөрөө. Гэхдээ ийм хулгайч, худалч, урвагч гэдгийг нь мэдээгүй. Гэвч Монгол Улс үүнийг хүлээн зөвшөөрдөггүй. УИХ-д нэр дэвшиж буй хүн улсынхаа хуулийг уландаа гишгэж болохгүй. Би Монгол Улсын эрх ашгийг намынхаа дээр тавьж үгээ хэлж байна.Нэг өдөр МАН-ын гишүүн болоод Бага хуралд дэвшээд, нэг өдөр сонгуульд нэр дэвших мандатаа авчихлаа Шударга бусын хажуугаар амаа хамхиад өнгөрүүлж чадахгүй. Монгол Улсын сонгогдох жинхэнэ эрхтэй иргэдийн эрхийг хааж, Г.Амартүвшин гарч ирсэн гэж ойлгоорой. Иргэдийг эргэлзүүлж байгаа зүйл байгаа болон тэр бүхнээ ил тод мэдэгд. Г.Амартүвшин УИХ-ын гишүүн болгох гэж байгаа бол Нидерланд дахь эхнэр, хүүхэд, байшингаа ил болго. Тэр паспортоо тайлбарла” гэсэн юм. 

Тэгвэл Г.Амартүвшин өчигдөр /2020.06.12/ өөрийгөө монгол улсын иргэн гэдгээ баримтаар нотолсон билээ. Мөн тэрээр өнөөдөр өөрийг нь шүүмжилсэн Ч.Ганхуягийг "Намайг шүүмжлэх бүрэн эрхтэй хүн" хэмээн жиргэжээ.

Ч.Ганхуягт би талархаж явдаг. Тэр Монголын банк санхүүгийн салбарт их зүйлийг хийсэн, цаашдаа ч илүү ихийг хийх эрч хүчтэй хүн. Анх намайг Хас банкинд ажиллахыг санал болгосон хүн бол яах аргагүй Ч.Ганхуяг юм. Энэ ч утгаараа тэр намайг шүүмжлэх бүрэн эрхтэй.

— Ганибалын Амартүвшин (@Amartuvshin_Xac) June 12, 2020