Чуулганы хуралдааны үдээс хойших нэгдсэн хуралдаа үргэлжилж байна. Чуулганаар "2022 оны төлөвлөгөөний гүйцэтгэлийн тайлан мөн Засгийн газрын үйл ажиллагааны хэрэгжилт"-ийн талаар хэлэлцэж байгаа юм. Хуралдаанаар, Х.Ганхуяг гишүүн асуулт асууж, үг хэллээ.

Тэрбээр, "Энэ жилийг авлигатай тэмцэх жил болгон зарласан. Авлигыг зөвхөн эрүүгийн хуулийг чангатгаснаар багасна гэж харахгүй байна. Асуудал нь том төрийн өмчит компаниуд, сангууд, өрсөлдөөнийг боомилсон хуулиуд байгаад байдаг. Асуудал үүсэхээр нүүрийг нь л сольдог.

Төр өөрөө асар их хэмжээний өмчтэй, төрийн оролцоо их байхаар авлига гараад байна. Хөрсөө цэвэрлэхгүй бол авлига буурахгүй байна. Байнгын хулгайч хайсан шинжтэй болох гээд байна. Цаашид экспортыг нэмэгдүүлэх зориулалт бүхий сангаас бусад сангуудыг багасгах боломжтой юу" гэв.