Угандагийн парламент ЛГБТКИК гэж тодорхойлсон хэнийг ч эрүүгийн хариуцлага хүлээлгэх тухай хууль тогтоомжийг баталжээ. Энэ хуулийн төсөлд тус улсын Ерөнхийлөгч Ёвери Мусевени гарын үсэг зурвал бэлгийн цөөнхүүд удаан хугацаагаар шоронд хоригдож болзошгүй нөхцөл байдал үүсэх юм.
Эрүүгийн хариуцлага хүлээлгэх тус хуульд зааснаар иргэд эрх баригчдад ЛГБТИК хүмүүсийн талаар мэдээлэл өгч улмаар хариуцлага хүлээлгэх юм байна. Мөн түүнээс гадна ЛГБТИК хүмүүсийн талаар мэдээлсэн, тэдэнд дэмжлэг үзүүлсэн хувь хүн, хэвлэлийн байгууллагад ч хариуцлага хүлээлгэх аж. Тэр ч бүү хэл ЛГБТИК төвд хандив тусламж үзүүлдэг хүмүүст ч энэ хуулийн төсөл хамаатай.
Харин Угандагийн ерөнхийлөгч энэхүү хуульд хориг тавих бүрэн эрхтэй хэдий ч олонхын дэмжлэг авсан учраас эргэлзээтэй байгаа аж.
