Өнгөрсөн нэгдүгээр сард Баян-Өлгий аймгийн Өлгий сумаас 19 настай эмэгтэй "М" сураггүй алга болоод байсан. Хоёр сар гаруй хугацаанд эрэн сурвалжилсаны эцэст М-ийн цогцсыг олсон байдаг. Тодруулбал, талийгаач охины цогцсыг аймгийн төвөөс 20 километрийн зайд газарт булсан байжээ. Хэргийг Баян-Өлгий аймагт оршин суух хаягтай 38 настай эрэгтэй А гэгч нь үйлдсэн байна.

Тиймээс А-д Монгол Улсын Эрүүгийн хуулийн тусгай ангийн 10.1 дүгээр зүйлийн 1 дэх хэсэгт зааснаар эрүүгийн хэрэг үүсгэн, яллагдагчаар татаж, цагдан хорих таслан сэргийлэх арга хэмжээ авах саналыг прокурорын байгууллагад хүргүүлжээ.

Цагдаагийн байгууллагаас амь хохирогчийн биед нас барсан шалтгаан, нөхцлийг тогтоохоор шинжээч эмчийг томилуулан ажиллаж байгаа аж.