2023 оны гуравдугаар сарын 08-нд ээж болон ээжийнхээ хамтран амьдрагчид зодуулсан гурван настай хүү толгойдоо цус хуралттай, гар болон нуруу нь хугарсан байдалтай ГССҮТ-д хүргэгдсэн.

Тодруулбал, Э нь хүүг зодож, хүчирхийлсэн байж болзошгүй гэх үндэслэлээр Цагдаагийн байгууллагаас хойшлуулшгүйгээр баривчилж, шалгалтын ажил үргэлжилж байгаа.

Тэгвэл уг хэрэг гарснаас хойш хүүхдийг амь эрсэдсэн гэх мэдээлэл цахим орчинд гараад байгаа юм. Энэ талаар ГССҮТ-өөс тодруулахад "Хүүхэд одоогоор ухаан ороогүй хэдий ч, нас бараагүй. Эрчимт эмчилгээний тасагт эмчлүүлж байна" гэв.

Хэргийн талаар эргэн сануулахад, Хүүгийн ээжийг Цагдаагийн байгууллагад мэдэгдэлгүй нуун дарагдуулсан байж болзошгүй хэмээн үзэж байгаа бөгөөд хэрэгтнийг таслан сэргийлэх арга хэмжээ аваад байгаа юм.